Previous Next

Laureadu Novel Pás, Dr José Ramos-Horta kolleita Manu-Frangu iha Natarbora

21 Setembru 2019 — Komunidade iha Natarbora hahú asesu ba manu-frangu fresku ne’ebé prodús husi membru MAEKOM iha Suku Aubeon, Aldeia Wecadi no lansa husi Laureadu Novel Pás nian no Prezidente Datolu, Dr. José Ramos-Horta.

Koordenadór Membru MAEKOM nomós nu’udar Xefe Suku Aubeon, Domingos Gonzaga dehan membru MAEKOM mai iha Aubeon atu aproxima sira hodi harii manu-luhan. Agora sira hamutuk ema nain neen mak investe hodi harii luhan ne’e no hahú hakiak iha fulan Agostu.

Komunidade no autoridade lokál ho Dr Jose Ramos-Horta kontente ho kolleita manu-frangu dahitu iha Suku Aubeon, Natarbora. Foto: MAEKOM
Komunidade no autoridade lokál ho Dr Jose Ramos-Horta kontente ho kolleita manu-frangu dahitu iha Suku Aubeon, Natarbora. Foto: MAEKOM

 “Ohin ami kolleita manu-frangu 2000 no fa’an ho presu $5.50 kada ida iha luhan. Presu ne’e determina ona husi Movimentu Asaun Ekonomia Komunitária. Nune’e presu sei la iha diferensia hosi sira ne’ebé hakiak iha Dili, ka munisípiu seluk”, Domingos dehan.

Koordenadór Domingos dehan sira hahú fa’an ona ba komunidade sira iha Postu Administrativu Lacluta. (Viqueque), Barique (Manatuto), no Fatuberliu (Manufahi). Agora daudaun sira mak sei fa’an, maibé, iha futuru sira mós kria ona rede distribuidór sira, nune’e rede sira mak sei ba fa’an.

“Komunidade hahú sosa ona manu-frangu, konsume no sira dehan na’an ne’e fresku, mamar no di’ak ba saúde nomós hadi’ak nutrisaun”, dehan Xefe Suku.

Domingos dehan nia nu’udar autoridade lokál sei enkoraja nia komunidade atu investe rasik hodi hakiak manu-frangu. Nia espresa “Grupu seluk iha Suku Aubeon mós harii ona manu luhan ho kapasidade 4000 no prepara mós rai ektare 100 atu kuda hudi lokál hodi halo diversifikasaun iha futuru”.

Iha Natarbora, komunidade harii tan manu luhan ho kapasidade 4000 iha Aldeia Bubur-Laran, Suku Aubeon, no eskavasaun kompleta barajen hitu ba hakiak boek Gala no Lokál, no ikan Sortisa (Gabus).

Prezidente MAEKOM, Rui Castro dehan membru MAEKOM sira iha Suku Aubeon, Natarbora organiza-an rasik hodi hakarak investe iha setór agrikola, liu-liu hakiak manu-frangu.

“Ohin, ita kolleita manu-frangu hamutuk 6500 iha Munisípiu hanesan Manatuto, Liquiça no Covalima. Ami konvida Laureadu Novel Pás nian no Prezidente Datolu, Dr José Ramos-Horta hodi kolleita Manu-Frangu iha Suku Aubeon, hamutuk 2000. MAEKOM deside ona atu fa’an $5.50 iha luhan no ditribuidór sira sei fa’an tutan ho $6.00. dehan Prezidente MAEKOM.

Prezidente MAEKOM, Rui Castro kontnhttps://maekom.com.tl/administrator/index.php?option=com_content&view=article&layout=edit#te ho investimentu rasik husi komunidade Suku Aubeon, Natarbora. Foto: MAEKOM
Prezidente MAEKOM, Rui Castro kontnte ho investimentu rasik husi komunidade Suku Aubeon, Natarbora. Foto: MAEKOM

Prezidente MAEKOM, Rui dehan komunidade Timor-oan bele asesu na’an manu-frangu fresku iha territóriu hotu ho folin $5.50 - $6.00. Nune’e, ita bele halo balansu no kontrola presu sira hodi komunidade ne’ebé moris iha área rurál bele hola ho presu ne’ebé baratu no hadi’ak komunidade-nia nutrisaun.

“Ha’u agradese ba komunidade sira iha Suku Aubeon, ne’ebé ho inisiativa rasik investe iha setór agríkola, inklui hakiak manu-frangu. MAEKOM sei akompaña nafatin komunidade sira ne’ebé hakarak investe tan iha produtu seluk”, Prezidente Rui dehan.

Laureadu Novel Pás nian no Prezidente Datolu, Dr. José Ramos-Horta dehan nia konkorda 100% polítika no filozofia MAEKOM nian ne’ebé enkoraja komunidade no joventude sira hodi envolve iha investimentu setór produtivu, hanesan hakiak manu-frangu.

“Ha’u admira tebes ba Rui Castro no nia membru MAEKOM hotu ne’ebé la simu ajudu ka esmola ruma finanseiru nian, maibé investe rasik iha setór produtivu ne’e”, Prezidente Datolu dehan.

Laureadu Novel Pás nian hateten karakter servisu ema Manatuto sai dezafiu ida ba MAEKOM, maibé nia fiar inisiativa investimentu sei la’o ba oin iha futuru.

“Ha’u fó apoiu morál no polítika ba investimentu ne’e. Ezemplu, halo aproximasaun ba governu atu fornese insentivu ruma ba MAEKOM, hanesan apoiu fini, substitui ai-han importasaun no MAEKOM mós bele fornese ai-han kualidade ba merenda eskolar”, Prezidente Datolu, Ramos-Horta dehan.

Laureadu Novel Pás nian, Dr José Ramos-Horta kolleita manu-frangu iha Suku Aubeon, Natarbora. Foto: MAEKOM
Laureadu Novel Pás nian, Dr José Ramos-Horta kolleita manu-frangu iha Suku Aubeon, Natarbora. Foto: MAEKOM

 

Prezidente Datolu enkoraja Timor-oan hotu hodi konsume ai-han lokál tanba fresku no di’ak ba saúde. Nia dehan “Ai-han importasaun bele fó impaktu ba saúde ita ema nian. Tanba ne’e, hadomi produtu lokál no konsume produtu ne’e tanba kualidade di’ak”.

Laureadu Novel Pás nian enfaze katak Manatuto oan tenke servisu maka’as tanba kosta súl sei akontese projetu Tasi Mane. Parabens ba Natarbora oan, fó konfiansa ba Manatuto, no fo oportunidade di’ak hodi hadi’ak ekonomia uma-laran.

MAEKOM aliña ona nia planu ho Planu Estratéjiku Dezenvolvimentu Nasionál Timor-Leste 2011-2030 ho objetivu atu eradika ki’ak, garante seguransa alimentar no hasa’e kresimentu ekonomia liuhusi setór agrikultura (PEDN, 2011). Nune’e, MAEKOM sei hasa’e númeru hakiak manu-frangu no investe tan iha setór agríkola sira seluk hodi responde merkadu iha área rurál, munisípiu no nasionál.

Movimentu Asaun Ekonomia Komunitária [MAEKOM] nu’udar grupu ida ne’ebé kompostu husi Timor-oan sira ho profisaun no esperiénsia oin-oin ne’ebé kompromisu atu garante dezenvolvimentu ekonomia iha Timor-Leste, liu-liu iha setór produtivu agrikola nian, nune’e bele hakbi’it ekonomia família no kresimentu ekonomia nasaun nian.

Partisipante husi reprezentante Administradór Postu Natarbora, Reprezentante Polísia (PNTL), Diretór Agrikultura Munisipiu Manatuto, Madre sira no komunidade. HOTU

Kontakta mídia:

Jaime Reis
Mobile: 7738-0585
Email: Este endereço de email está sendo protegido de spambots. Você precisa do JavaScript ativado para vê-lo.

Armindo de Jesus
Mobile: 7726-7767
Email: Este endereço de email está sendo protegido de spambots. Você precisa do JavaScript ativado para vê-lo.

Previous Next

OFERESE BUAT NE’EBÉ MANU BROILER NO LAYER PRESIZA, SIRA SEI OFERESE BUAT NE’EBÉ ITA EMA PRESIZA

13 Setembru 2019 — Cladotia FU ho nia parseria Movimentu Asaun Ekonomia Komunitária [MAEKOM] koopera hamutuk ho PT. Charoen Pokphand Indonesia Tbk (CP) hala’o Workshop Internasionál loron-ida iha Dili, Timor-Leste. Workshop ne’e foku ba maneira hakiak Brolier modernu ho kualidade, aspetu nutrisaun no produsaun ai-han Broiler, análize oportunidade negósiu sira manu ho tolun (layers) iha Timor-Leste ho eskala ki’ik (500-1000).

Previous Next

MAEKOM Kolleita Manu-Frangu da-neen iha Munisípiu Covalima

03 Agostu 2019 — Tuir Planu Estratéjiku Dezenvolvimentu Nasionál (PEDN, 2011-2030), setór pekuaria mós sai potensiál hodi fó kontribuisaun signifikante atu hadi’ak nutrisaunTimor-oan no hasa’e númeru asesu ba na’an fresku nómos kria kampu servisu.

Previous Next

Diversifikasaun Ai-han Lokal Enkoraja Timor-Oan atu Servisu Maka'as iha Setór Agrikultura

Dili, 17 Agostu 2019 – MAEKOM hala’o ona investimentu dahuluk iha Timor-Leste iha setór pekuária hanesan hakiak manu-frangu no kolabora ona ho Madre Canossiana atu halo diversifikasaun ba produtu sira ne’e hodi fó kontribuisaun signifikante atu hadi’ak nutrisaunTimor-oan no hasa’e númeru asesu ba na’an fresku nómos kria kampu servisu iha territóriu tomak hodi diversifika ita-nia ekonomia tuir Planu Estratéjiku Dezenvolvimentu Nasionál (PEDN, 2011).

Previous Next

Kolleita Manu-Frangu Dalimak Husi Rezultadu Investimentu Timor-oan Servisu Sozonál Australia nian

22 Jullu 2019 — Movimentu Asaun Ekonomia Komunitária [MAEKOM] núdar grupu ida ne’ebé kompostu husi Timor-oan sira ho profisaun no esperiénsia oin-oin ne’ebé kompromisu atu garante dezenvolvimentu ekonomia iha Timor-Leste, liu-liu iha setór produtivu agrikola nian, nune’e bele hakbi’it ekonomia família no kresimentu ekonomia nasaun nian.

Kontaktu Ami

Rua de Bidau, Lecidere
Dili, Timor-Leste
info@maekom.com.tl 
+670 7727 7111